懷念的播音員／洪第七
咱聽著這條＜懷念的播音員＞，雖然用演歌的曲來填台語歌詞，不而
過歌詞佮原底的日本歌全然無相仝，是1960年代，台灣真出名的播
音員周進升有意欲退出藝界，作詞家蜚聲為著欲轉達聽眾朋友的毋
甘，才來創作這條題材真特殊的歌謠。
（一）
雖然你佮我　每日在空中相會
因為你溫柔　甜蜜的聲音可愛
彼日使我忍不住　為你來心迷醉
所以欲叫我　怎樣來對你表示
只有是懷念你

（二）
「雖然你佮我／每日在空中相會」，廣播電台的播音員，是聽眾朋友
心靈交流的對象，播音員的言談、選播的歌曲，攏予聽眾的生活增加
議讓，年久月深，播音員自然也變做是聽眾真信任的人，不而過播音
員若利用聽眾的熱情、用錯誤的健康智識來戲弄聽眾，這就無值得人
來懷念了。
雖然你佮我　每日在空中相會
因為你一切　使人會為你癡迷
可愛的你播音聲　解消我心空虛
愛你在心內　可惜無勇氣表示
只有是懷念你
苦苦的心無人知　只有叫你名字
我思慕的人　你就是大眾情侶
只有是懷念你　只有是懷念你